KVALPAR

Eg har ingen planar om kull nett no (mars 2015). Lell - er Buffy og hennar søsken HD-frie og har elles ei god helse og gemytt, vil eg vurdere å ha eit kull på henne om eit år eller to. Ta kontakt om du er interessert i kvalp

fram i tid.

AVL

Avl har blitt ein del av hundehaldet, og det er spennande å rekruttere frå eige oppdrett. I avlen legg eg mest vekt på brukseigenskapar, gemytt og helse. Samojeden er ein allsidig brukshund, familiehund og god turvenn, og vil gjerne
vere med på tur både sommar og vinter.

Kvalpane flyttar ut av kjøkkenet når dei er omlag 4 veker gamle. Dei får større leikeareal og mykje tid ute i hagen. Eg legg stor vekt på sosialiseringa av dei; sanseintrykk og opplevingar i ulike miljø (ute, inne, by og land), store og små menneske, andre hundar, bilturar osv. Kvalpekjøparen skal forvente at eg har brukt tid på kvar kvalp og gjort dei så godt rusta som muleg for vidare sosialisering og opplæring.
 
For å sikre at vi held rasen så frisk og sunn som muleg, krev eg at kvalpekjøparane HD-røntger og augelyser hunden når han er omlag mellom 16 og 24 mnd.

Oppdrettet skje i trå med reglane for avl og oppdrett i Norsk Polarhundklubb og Norsk Kennelklubb sine etiske retningsliner for avl og oppdrett.